كعادتى كل يوم وانا راجع من الشغل على المغربيه.. ومن على أمّت الشارع ....
ولسه برمى السلام على جارنا الى فاتح ورشة لاكيه (وياريتنى ماعملت ) ... استقبلنى وقال ....شفت الى حصل ؟؟ ..قلت له بقولك ايه ...قال لى قول ...قلت له... انا لسه راجع من الشغل و تعبان ومش مستحمل اىّ اخبار تعكننى.....قال لى ياعم ده خبر ميتفوتش ...قلت له ..احكى وخلص ...قال لى ده أخرتها ...ده انا عايز مصلحتك ...قلت له.. أسف ياعمى يا سيدى يا تاج راسى... اتفضل قول لى ايه الى حصل قل لى ...امبارح وانا راجع من الشغل ولسه بغير هدومى.. وطبعا امّ العيال بتحضرلى الأكل وعبد الرحمن ابنى الصغير انت متعرفهوش ولا ايه.... قلت له ...بس ياعم ايه .. (اه يا محترم انت حتحكيلى قصة حياتك ) .... قال لى ...بس متزءش انا بس حبّيت اجيب لك الموضوع من أوله ....(يا مثبت العقل فى الراس ).. يا محترم انا عايز آخد شاور.. واصلى المغرب..واتغدا ....قال لى... منا جي لك فى الكلام ......(صبرنى يا رب ) ..قول يا سيدى ...قال احم احم.. (لامؤخذة ).....ماشى ولا يهمك .....قال وانا داخل من البيت قابلنى أخويا الصغير وليد وقال لى....عندى ليك خبر مش حتصدقه ومش حتشوفه غير فى مصر ....قلت له قول .... آآم أخويا وليد قال لى ....لاء انا مش حقول لك انا حخليك تشوف بعينك .....بس انت افتح الكمبيوتر ... رحت قلت لأخويا وليد !!! وعلى فكره أنا بدلعه وقول له يا ليدو ...أصل لى وليد ده ليه .....قلت له يا محترم العشاء حيأذن أبوس ايدك أخلص (يا رب نخلص ) قال لى المهم ...رحت وشغلت الكمبيوتر ....راح اخويا وليد طلع الموبيل من جيبه وخرج الميمورى من الجهاز وقال لى عندك ريدر ...قولت له !! .... هاه قلت له ايه ؟؟...للأسف مكنش عندى .... ولسه حتكلم ...قال لى اصبر انت متسربع ليه ...قلت له يا سيدى ولا يهمك ( يلا بقى ..شباب) فقال لى اصل لى جارى عنده ريدر ...قلت له طب كويس ..وبعدين ....قال لى رحت والحمد لله.. جبت الريدر ....وركبت الميمورى فى الريدر ...وجت لحظة العرض الحاسمه ... ايه!!! ..شوقتنى !!!!.....قال لى .. الريدر مشتغلش ..قلت له... والله ..وربنا...(ولسه حخرج عن شعورى ).....قال لى ياأستاذ انا بضّحك معاك ... (مسكت اعصابى بالعفيه ) وقلت له ..وبعدين شفت ايه ...قال لى ...قبل ما اقولك ...حسألك كام سؤال... قلت له ...هى جت على السؤالين أسأل ....قال لى ..لو واحد عايز يشربيعمل ايه .. قلت له ... انت بتهزر خلص يا محترم وقول لى شفت ايه ...قال لى صبرك بس ... انت متسربع له كده ...قلت له ميشرب من اىّ حته هو حد منعه...قال لى ...ولو عايز ميه ساقعه ....قلت له يشرب يا سيدى من الثلاجة ....قال لى ولو فى الشارع وعايز يشرب ....قلت له (انت شغال فى شركة الميه ولا ايه ) يا محترم ابوس ايدك... انا خلاص مش عايز أعرف شفت ايه ...بس سبنى اروح لأمى ...قال لى يأستاذ جاوبنى بس ...قلتله ....يشرب من القله.....قال لى حلو ...قلت له هو ايه الى حلو ...قال لى ....يشرب من القله ...قلت له وانا مستغرب يعنى ايه ...قال لى .اصل لى الى حصل والى انا شفته انّى ؟؟.... قلت له قول... ..هااااا .... قول ( احمدك يا رب وصلنا خلاص للنهايه ) قال لى ...شوف يأخى شقاوة العيال الصغيره ...الولد حب يشرب من القله ولكن بالطريقه المصريه العفريتيه ...
قلت له ...ازززززززززاى قال لى ....بص ..
ولا اقول لك انا حخليك تشوف بنفسك
ايه رأيكم فى الطريقه ده ...بدل الولد ما يشرب من القله حط دماغه مكانها ولولا ستر ربنا الولد ده كان مات فيها عشان
مكانوش عرفين يخرجوا دماغه من الحديدة بجد هم يبكى وهم يضحك ...... ده أخرتها فى مصر ...الشعب مش لاقى حاجه يعملها ...وشوف وصّلوا عقلية أطفلنا لحد فيين ...
24 comments:
ههههههههههههههههههه لا بجد مش ممكن ايه ده اهلو كانو فين وهو بيعمل كده ولا الناس اللى فى الشارع ينهار ابيض على عفرته العيال مش ممكن بجد
طب دخلها ازاى دى العيال خلاص مخها فوت !!!!! زى الناس الكبيره بظبط محدش عارف هو بيعمل ايه ولا اللى بيعملو ده صح ولا غلط الا لما يشوف عواقب عملته تسلم ايدك موضوع حلو اوى
اختك فى الله فتافيت
دى المشكلة يا محمود
شبابنا واطفالنا عاوزين يعملوا اى حاجه صح غلط بس لازم يجرب
بس بجد فى مشكلة
هى القله فين ............؟؟؟؟؟؟؟؟
سبحان الله يا اخى
الناس لما تبقى دماغها فاضية بقى
هو هم ميضحكش خالص
يبين الى اى مدى الناس
بقت هايفة
انهم يهزروا كده
بس صحيح دخلوا دماغه ازاى
عفاريت :)
السلام عليكم
اولا:اشكرك لتشريفي مدونتي التمواضعه
وبقولك :اييييييوه ياجدعان ابن اسكندريه نورني
ثانيا: بوستك بيتكلم
ويقول :انت اكيييييد في مصر
مصر ام العجايب
بجد شر البليه ما يضحك
هما دول الأطفال اللي هيبقوا شباب ويقودوا مصر
لا حول ولا قوة إلا بالله
الطفل او مكبرتوش مش هيكبر لوحده
بمعنى لو معلمتوش ...متستناش انه يتصرف صح او يفكر صح
ياخراشي
هههههههههههه
دخل ازاي دة
في الحديدة دي
بس الراجل طلع عنينا بصراحة
كنت هزعل قوي لو الريدر طلعت بايظة كنا لسة هنستني ريدر تانية وكدا
الحمدلله عدي علي خيررر
سلاممممم
فتافيت
شكر على تعليقك
طبعا عندك حق الأطفال ولاكبار خلاص دماغهم باظط الا من رحم ربى
بس بقول لسه فيه خير فى مصر
محمد على ..هى كده
بجد انا زى زيك مش عارف فين القلة
بس ممكن أسألك خال الولد الى خلصه من الى كان فيه
ههههههههههه
أمام الجيل
عندك حق أن ده مشكله ومشكله كبيره كمان ولكن نعمل ايه شقاوة عفاريت
زمردة
وأنا كمان بشكرك على تشريفك مدونتى
وشكراً على السياح الى عملتيه لى فى مدونتى
هههههههههههههه
بقول لك ان شاء الله ربنا يخلصنا من الى عملوا فى بلادنا كده
ماى هوبى
شكرأ على تعليقك
وعلى فكرة أنا كمان لو كان الريدر بايظ كانت حتجيلى سكته قلبيه
ولكن الحمد لله كان بيضحك معايا
وربنا سطرها
المهم لحقت المغرب ولا لأ
العيال أصبحوا يتفننوا في الشقاوة مش عارف بقى بسبب الطاقة الزيادة ولا الكرتون ربنا يستر
وعلى فكرة الحاجات دي ممكن كانت بتحصل زمان بس البركة في الريدر
ليه لكل الناس الى بتقرا الرساله دي
تــــــاج
ياريت نزور كلنا
http://ikhwanstyle.blogspot.com/
حمله شرسه علي شركه موبينيل وصاحبها نجيب ساويرس
إلي كل غيييييييييييييوووووووور علي الإسلام
إترك موبينيل حلا مش حتي بالتدريج
لإنه حيعمل محطه علي الفضائيه بسبب إنتشار الحجاب والقنوات الإسلاميه ..وعشان يلغي الرقابه منها...ودي كانت تصريحاته
السلام عليكم ورحمة الله وبركاته
الحمد لله ربنا ستر
وأهو درس لبقيت الأطفال انها قبل ما تبتدى حاجه لازم تشوف ايه هتكون نهايتها
والسلام عليكم ورحمة الله وبركاته
السلام عليكم
اول زياره لي هنا
بجد الشعب كله عفاريت جت علي دا يعني
شوف الناس متشعلقه ازاي في الاتوبيس
اكيد عفاريت
ربنا يكرمك
عصفور المدينة
شكرنا على زيارتك
وانا الحمد لله صليت المغرب
وعلى رأيك البركة فى الريدر
عبد الرحمن مدنى
ايه يا عم أنت جى تعمل أعلان فى المدونه ببلاش
ههههههههه
ماشى يا عم ولا يهمك
أنا أن شاء الله حزور المدونه
ياسر مدنى
شكرا
على تشرفك لى وعلى فكره الكلام ده مش جديد على نجيب سويرس
وأنا اى حد بعرف ان معاه خط موبينيل
بنصحه يبيعه
ويشترى خط فودافون
ولكن جزاك الله خيراعلى النصيح ده
مؤمنه
شكراعلى زيارتك مدونى المتواضعة
ولكن على فكره الأطفال تصرفاتهم بتكون عفويه وبتلقائيه
عصفور أسكندريه
بقولك فى البدايه نورت المدونه
والعفرته على رأيك مش فى ده بس
الى يعيش فى مصر ياما حيشوف
فكرتنى بواحدة صاحبتى بنتها كانت بتتفرج من سور البلكونة عندها الحديد وكان السور برضه عبارة عن فتحات كدة
فالبنت حطت دماغها فى الفتحة ومعرفتش تخرجها تانى الا بعد محاولات مضنية باءت كلها بالفشل
تقولشى البت دخلت دماغها من هنا وراحت دماغها كبرت من هنا
اهه فى الاخر جابوا معرفش مين كدة اللى بيبقى عنده منشار حديد ونشروا سور البلكونة وجوز صاحبتى كان هيطلق صاحبتى فى الواقعة دى بسبب اهمالها لمقصوفة الرقبة بنتهم
سيبك انت ربنا بيستر برضه
العفريت اساس المشاكل ولازم تشعلل المشاكل بس اهم حاجه
ان احنا منسخنش
وياريت تزورةنى على
اخوان ستايل
http://ikhwanstyle.blogspot.com/
هههههههههههه
والله جزاك الله خيرا انك قدرت تستحمل
وتسمع كللللللللل ده
دا انا اللى قاعده ومش تعبانه من الشغل زهقت
والله الله يكون فى عون حضرتك
بس فعلا سبحان الله الولد كان ممكن يموت
ابتسم..........انت فى مصر
والله عاااااااااااااااااااااال ,....
23 تعليق يا بتاع أول امبارح ....
ده احنا انروح ننتحر بقي ....
عععععععععععععععععععععععععععع
وابقي شوف اللي حيعزمك علي الفطار عنده يا .............. يا محمود ....
Post a Comment